ನೀನಿಟ್ಟ ಹೆಜ್ಜೆಗುರುತು ಮಾಯವಾಗದ ಚೆಲುವು

ಮಳೆಯ ಕೆಸರಲ್ಲವದು ನನ್ನೆದೆಯ ಒಲವು

ಮನದ ಕಾಮನೆಗಳ ಬದಿಗಿಟ್ಟು ಕಾಯುತಿಹೆನು

ನಿನಗಾಗಿ ಉಳಿದಿದೆ ಒಲವ ಆಕಾಂಕ್ಷೆಯೆಲ್ಲವು 

ಕದಲಿದ ಕಡಲನು ಅವಿಯಾಗಿಸೋ ರವಿಯಂತೆ

ಬಳಲಿದ ಒಡಲಿನ ದಾಹ ನೀಗಿಸುವಂತೆ ನಿನ್ನ ಬರವು

ಸಖಿ ರಾಧೆಯ ಕೃಷ್ಣ ಹಂಬಲಿಸುವಂತಿದೆ ನೋಡು

ತುಡಿಯುವ ಜೀವದೊಳಗೆ ನಿನ್ನ ಕಾಣುವ ಹಸಿವು

ಗೆಳತಿ ಒಬ್ಬಂಟಿ ಜೀವವಿದು ಒಂದೊಂದೆ ಹೆಕ್ಕುತ್ತಾ

ಅಕ್ಷಿಯೊಳಗೆ ತುಂಬುತಿವೆ ನಿನ್ನೊಂದಿಗೆ ಕಳೆದ ನೆನವು

- ಪೃಥ್ವಿರಾಜ್ ಜಿ.