ಬೆಳೆವ ತವರು ಮನೆಯ

ಬೆಳದಿಂಗಳಾದೆ......

ಜೀವನ ಅರಿವ ಗಂಡನ ಮನೆಯ

ದೀಪವಾಗುತಿಹೆ...... ||೨||

ಹುಟ್ಟಿದ ಮನೆಯ ಬಿಟ್ಟು ಬಂದೆ 

ನೀ ಕಟ್ಟಿದ ಕನಸ ಕಾಣಬಂದೆ 

ಅರಿಶಿನ ಹಚ್ಚಿದ ಚೆಲುವಿನಲಿ 

ಹರಸಿದ ಕೈಗಳ ನಡುವಿನಲಿ 

ನೀ ತುಂಟತನಕೆ ಒಂಟಿಯಾದೆ...

ನೀ ಕುಂಟುನೆಪಗಳಿಗೆ ಜತೆಯಾದೆ...

ಎಡರು ತೊಡರುಗಳೆಲ್ಲ ಭೇದಿಸಿ

ನಿನ್ನ ಸಾಕಿದ ತಾಯಿತಂದೆ

ಸಿಹಿಕಹಿಗಳು ಏನೇ ಇರಲಿ 

ಬದುಕು ನೀನು ಇನ್ನುಮುಂದೆ

ಕೈ ಹಿಡಿದು ಸಾಗು ನೀನು...

ನಿನ್ನ ವರಿಸಿದ ಚೆಲುವನೆಂದು...

ಆಕಾಶವನು ನೋಡುತ ಎಣಿಸದಿರು

ದಿನ ಬೆಳಗುವ ರವಿ ನಿನ್ನವನೆನ್ನುತಿರು

ಹಾಲಿನಂತಾಗುವುದು ಬಾಳುವ ಬದುಕೆ

ಹುಳಿಯಿಂಡುವವರ ಭಯ ನಿನಗೇತಕೆ

ಸ್ವರ್ಗವಿವುದು ನಿನ್ನೊಲವಿನಲಿ ಸಂಸಾರದಲಿ

ಬಾಳಪುಟಗಳಲ್ಲಿ ಹೆಗ್ಗುರುತು ಮೂಡಲಿ